Të paktën 12 persona kanë vdekur dhe 31 të tjerë janë zhdukur pasi një urë u shemb pjesërisht në rovincën veriore të Kinës Shanxi, sipas transmetuesit shtetëror kinez CCTV.

Autoritetet thanë se një pjesë e urës në qarkun Zhashui në qytetin Shangluo u shemb të premten në mbrëmje pas shirave të fundit dhe përmbytjeve të shpejta .

Që nga ora 12:00 me orën lokale (12:00 ET) të shtunën, operacionet e kërkimit dhe shpëtimit ishin duke vazhduar pasi 17 makina dhe 8 kamionë ranë në lumë, njoftoi media shtetërore.

Autoriteti kombëtar i zjarrfikësve dhe shpëtimit të Kinës tha të shtunën se kishte dërguar një ekip shpëtimi të përbërë nga afro 900 persona, 90 automjete, 20 varka dhe 41 drone, sipas Reuters.

Një person është shpëtuar, tha CCTV.

Presidenti kinez Xi Jinping ka bërë thirrje për përpjekje të gjithanshme të shpëtimit të shtunën dhe tha se vendi është në një periudhë kritike për kontrollin e përmbytjeve, duke i kërkuar qeverisë lokale të ndërmarrë veprime, raportoi Reuters, duke cituar mediat lokale.

Pjesë të Kinës janë përballur me përmbytje shkatërruese, vetëm disa javë pasi reshjet e pakta dhe temperaturat e larta krijuan kushte thatësire.

Në provincën fqinje Henan, më shumë se 100,000 njerëz në të gjithë provincën janë evakuuar nga shtëpitë e tyre si rezultat i përmbytjeve, sipas mediave shtetërore.

Në provincën jugperëndimore Sichuan, më shumë se 30 njerëz janë gjithashtu të zhdukur pasi përmbytjet goditën një fshat në qarkun Hanyuan herët të shtunën, raportoi CCTV duke cituar agjencinë lokale të menaxhimit të emergjencave.

Autoritetet thanë se përmbytjet e papritura goditën rreth orës 2:30 të mëngjesit me kohën lokale, ndërsa shumë ishin duke fjetur dhe shkaktuan dëme në shtëpi, rrugë dhe ura.