TIRANE- Kryeministri Edi Rama ka reaguar sot për shkarkimin e zëvendësministres së Mjedisit Diana Bejko, pasi rezultonte debitore ndaj OSHEE-së. Rama ka shkruar në faqen e tij zyrtare të “Facebook” se për mospagesën e energjisë s’do pranohet asnjë justifikim për askënd.
“E falënderoj Znj.Bejko për kontributin si zv.ministre por në mospagesën e energjisë s’do pranohet asnjë justifikim për askënd! As për 1 Lek!”, ka shkruar kryeministri Edi Rama.
Ai kërkoi shkarkimin e Bejkos si zëvendësministre e Mjedisit, pasi figuronte debitore për shtëpinë e dytë në Velipojë.
Burime brenda kryeministrisë thanë se shuma e debisë ishte modeste, por kjo nuk e ka ndaluar Ramën të kërkojë largimin e saj të menjëhershëm nga qeveria.
(mi.k/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
