SHKODËR- Policia e Shkodrës ka ndërmarrë një tjetër operacion kundër kultivimit të bimëve narkotike, duke asgjësuar 2940 rrënjë. Në vijim të operacioneve antikanabis, efektivat e Komisariatit të Policisë Shkodër, mbi bazën e informacioneve të marra në rrugë operative dhe në vijim të kontrollit të plotë të territorit, kanë goditur tre raste të kultivimit të bimëve narkotike, dhe konkretisht :
Në lagjen “Viez”, në komunën Postrribë, në Shkodër janë gjetur dhe asgjësuar:
5 parcela me 1460 bimë narkotike Canabis Sattiva.
Operacioni ka vijuar në Lagjën Mazrek, Komuna Gur i Zi, në Shkodër, ku janë gjetur dhe asgjësuar:
13 parcela me 1430 bimë narkotike Canabis Sattiva. Gjithashtu po gjatë operacionit në Lagjen Lisen, në komunën Vau Dejës, në Shkodër, është gjetur dhe asgjësuar 1 parcelë me 50 bimë narkotike Canabis Sattiva.
Po vijon puna për identifikimin dhe kapjen e autoreve të këtyre rasteve të kultivimit të bimëve narkotike. Materialet i kaluan Prokurorisë për veprën penale “Kultivim i bimëve narkotike”, parashikuar nga neni 284 i Kodit Penal.
(m.k/BalkanWeb)