SHKODER
Një 25-vjeçar me iniciale P.I ka rënë në prangat e policisë pak pasi qëlloi në ajër me armë zjarri. Sipas policisë, i riu banues në lagjen “Guerile” , është arrestuar pak pasi ka qëlluar në ajër me armë zjarri. Policia menjëherë më pas ka arritur të sekuestrojë edhe armën e tipit kallashnikov, e cila dyshohet të jetë përdorur nga i riu.
“Fale bashkëpunimit me qytetarët dhe reagimit të shpejtë të Policisë u arrestua në flagrancë një shtetas. Sekuestrohet arma e zjarrit. Nga shërbimet e Forcës së Posaçme Shqiponja falë reagimit të shpejtë dhe në kohë rekord u bë arrestimi në flagrancë i shtetasit P. I. 25 vjeç, banues në lagjen “Guerile”, Shkodër
Arrestimi i tij u bë pasi në lagjen “Guerile” Shkodër, ka qëlluar në ajër me armë zjarri, ku menjëhere janë dërguar shërbimet e Policisë ku kanë bërë neutralizimin dhe arrestimin e këtij shtetasi, si dhe sekuestrimin e armës së zjarrit,(një kallashnikov).
Materialet iu referuan Prokurorise së Rrethit Gjyqësor Shkodër për veprat penale “Prishja e qetësisë publike” e “Mbajtja pa leje dhe prodhimi i armëve, armëve shpërthyese dhe i municionit” parashikuar nga neni 274 e 278 të Kodit Penal.”-njofton policia.
(BalkanWeb)