Transferimi i Fabregas tek Monaco befasoi jo pak opinionin sportiv në një kohë kur për mesfushorin spanjoll interesoheshin shume klube të mëdha europiane. Fabregas u bind të largohej nga Chelsea vetëm falë Thierry Henry i cili i premtoi një rol lideri tek Monaco.
Shkarkimi i Henry kapi në befasi Fabregas: “Nuk mund ta mohoj, një nga arsyet kryesore pse erdha këtu ishte Henry. Më njeh shumë mirë dhe dëshironte që un të isha lideri i ekipit, të luaja çdo minutë, çdo ndeshje. Kam luajtur vetëm dy ndeshje me Henry në bankinë, pra siç mund ta imagjinoni u shokova kur mësova lajmin për shkarkimin e tij.
M’u deshën orë, madje ditë për të marrë veten”, u shpreh Fabregas për “Four Four Two”. “Ai do të bëhet një trajner i madh por futbolli nuk pret, nuk më mbetet gjë tjetër vetëm të them se pavarësisht largimit të Henry, do të jap gjithçka kam për Monacon”, përfundoi spanjolli.
(BalkanWeb)