KATAR
Një sociolog në Katar ka shokuar opinionin publik, për shkak se ka postuar një video në rrjetet sociale, ku tregon sesi burrat myslimanë duhet të rrahin gratë.
Abd Al-Aziz Al-Khazraj ngarkoi videot e tij në “You Tube” dhe tregon sesi “burrat duhet të ndëshkojnë gratë e tyre sipas ligjit islam”.
Al-Ansar tregon në video se “beson se goditjet duhet të jenë të lehta dhe pa dhimbje, pasi kështu gruaja do ndjejë forcën e burrit të saj”, raporton “Daily Mail”.
Në mesazhin e tij, i ashtuquajturi sociolog, tregon se “burrat duhet të jenë autoritarë, të parët e shtëpisë, ata duhet të pyeten për çdo gjë”. Ai madje tregon me detaje si duhet të jetë dhuna ndaj bashkëshortes, ndërsa shprehet se dhuna duhet të jetë “mjeti i fundit” që duhet përdorur.
“Kjo është një rrahje e duhur. Nuk ka dhimbje dhe nuk shkakton plagë. Kjo është e duhura”, thotë ai, teksa përdor një djalë për të demonstruar “forcën e burrit”.
(d.xh/ Balkanweb)