Klubet shqiptare, që marrin pjesë në kompeticionet europiane këtë verë, janë njohur ditën e sotme me rivalët e tyre në Champions League dhe Europa League. Presidenti i FSHF-së, Armand Duka, ka uruar pak çaste më parë Partizanin, Kukësin, Teutën edhe Laçin në këtë edicion, teksa shpreson që ato të shkojnë sa më larg.
Postimi i Dukës
Suksese #artizanit, Kukësit, Teutës dhe Laçit në përfaqësimin europian!
Sot skuadrat shqiptare kanë njohur kundërshtarët e tyre në kompeticionet europiane, UEFA Champions League dhe UEFA Europa League. Dua ti uroj të katër skuadrave shumë suksese në këtë garim në sfidat europiane dhe dëshiroj që të shkojnë sa më larg. Me strategji dhe objektiva seriozë për të arritur objektiva të rëndësishëm, si dhe me besim e punë mund të shkoni larg, duke e bërë të pamundurën të mundur dhe utopiken një realitet të prekshëm. Suksesi është gjithmonë i arritshëm!
Armand Duka
(Balkanweb)
