Policia e Fierit bën me dije se ka goditur një rast të trafikut te drogërave të forta.
Në pranga të policisë ka rënë një 30-vjeçar nga Patosi. Gazetari Ervis Kuçi raporton për “Balkanweb” se në pranga ka rënë shtetasi Saimir Sali.
Njoftimi i policisë:
Fier
Goditet një tjetër rast i shpërndarjes së drogave të forta në formë dozash.
Në pranga 30 vjeçari.
U sekuestruan në cilësinë e provës materiale 9 doza me lëndë narkotike të dyshuar Heroinë.
Specialistët e Seksionit për Hetimin e Narkotikëve në Drejtorinë Vendore të Policisë Fier arrestuan në flagrancë shtetasin:
-S.S, 30 vjeç, banues në Patos.
Pas informacioneve të mara në rrugë operative se ky shtetas shpërndante në qytetin e Fierit lëndë narkotike të llojit heroinë në formë dozash, u ushtrua kontroll personal dhe gjatë kontrollit ju gjetën me vete 9 doza me lëndë narkotike të dyshuar Heroinë.
Materialet i kaluan Prokurorisë pranë Gjykatës së Shkallës së Parë Fier për veprën penale “Prodhimi dhe shitja e lëndëve narkotike”.
(d.xh/Balkanweb)