Nga: Ira Londo

GREQI– Gjatë një interviste për televizionin grek ‘Skai’ politikani grek Theodoros Pangalos ka debatuar me ish kryeministrin grek Antonis Samaras duke thënë se shteti helen nuk duhet të lejojë krijimin e një Shqipërie të Madhe dhe një Bullgarie të Madhe në kufijtë e Greqisë. Ai tha se emri i Maqedonisë duhet të ketë vetëm përcaktim gjeografik.

“Janë gafa të gjitha lëvizjet, ashtu si gafat që bëjnë sa pretendojnë këtu se janë pasardhës të Grekeve të Lashtë. Aleksandri i Madh nuk ishte Nenë Tereza e Shqiptareve, ishte një gjeneral që vriste e priste për të sunduar. Emri i ri i Maqedonisë të këtë vetëm përcaktim gjeografik, Maqedonia e Epërme ose Maqedonia Veriore”- ka thënë ish zëvendës kryeministri i Greqisë.

Pangalos ka theksuar se zgjidhja e çështjes së emrit është e domosdoshme, për të parandaluar krijimin e Shqipërisë se Madhe apo Bullgarisë së Madhe në kufijtë e Greqisë. Se fundi Pangalos i është referuar edhe gjyshes së tij arvanitase shqipfolese që sipas tij është “më shumë greke se grekët”.

(BalkanWeb)