Të paktën 21 persona janë vrarë dhe pesë të tjerë janë plagosur në një shpërthim të fuqishëm në një fabrikë fishekzjarre në shtetin veriperëndimor të Indisë.

Shpërthimi ishte aq i fuqishëm sa mbeturinat dhe trupat e njerëzve u hodhën në një rreze të gjerë rreth fabrikës, në qytetin e Disa.

“Shpërthimi i dhunshëm që ndodhi në fabrikë shkaktoi shembjen e çatisë,” u tha gazetarëve zëdhënësi i qeverisë së shtetit Rikishes Patel, duke vënë në dukje se fabrika funksiononte pa licencë.

“Pjesë njerëzore u gjetën të shpërndara në një fermë që ndodhet 200-300 metra larg fabrikës”, theksoi një zyrtar lokal.

Fishekzjarret janë jashtëzakonisht të njohura në Indi dhe përdoren gjerësisht në festivale, ngjarje të të gjitha llojeve dhe dasma.  Shumë fabrika të fishekzjarreve funksionojnë në mënyrë të paligjshme, duke injoruar rregullat bazë të sigurisë, duke rezultuar në shpërthime të shpeshta vdekjeprurëse.

Në shkurt 2024 një shpërthim në një fabrikë fishekzjarre në shtetin qendror të Madhya Pradesh vrau 11 persona.  Shtatë muaj më vonë, pesë persona të tjerë u vranë në një aksident të ngjashëm në shtetin verior indian të Uttar Pradesh.

(BalkanWeb)