Një shpërthim i fuqishëm ka ndodhur pasditen e së mërkurës në qendër të Parisit, ku ndërtesat janë përfshirë nga flakët.
Ndërtesa që shpërtheu në lagjen e 5-të është shtëpia e një shkolle amerikane të modës dhe dizajnit, Akademia Amerikane e Parisit. Fasada e ndërtesës është shembur dhe njerëzit thuhet se janë bllokuar brenda.
Le Parisien raporton se shtatë persona janë lënduar rëndë dhe nëntë me lëndime të lehta. Ndërtesa e Akademisë është shembur pjesërisht.
“Banorët e qarkut të 5-të, sapo ka ndodhur një shpërthim gazi (nga një rrjedhje) në Place Alphonse Laveran, në lagjen Val-de-Gras, ndërtesat janë në flakë, qëndroni larg për të lejuar ndërhyrjen e zjarrfikësve”, ishte mesazhi nga nënkryetari i bashkisë Eduard Sivel, në një kohë kur më shumë se 200 zjarrfikës po punojnë për të vënë nën kontroll zjarrin dhe 9 mjekë ndodhen në vendngjarje për të ofruar ndihmën e parë.
Une énorme #explosion à #Paris ! Tout un quartier ravagé. Vidéo envoyé par une amie. pic.twitter.com/7nA9T6qCwL
— Mat (@Namat_12) June 21, 2023
“Dëgjova një zhurmë të madhe, ktheva kokën dhe pashë një top zjarri dhe u largova”, tha një dëshmitar okular për Le Parisien, duke shtuar: “Zhurma ishte shurdhuese. Policia mbërriti shpejt dhe na tha të evakuonim zonën”.
?? Dernière minute –
Explosion dans le Ve arrondissement de Paris, des habitants évacués
Une forte explosion s’est produite mercredi 21 juin rue Saint-Jacques à proximité de l’église du Val-de-Grâce. pic.twitter.com/yeTEcWeRUv
— Louis Montpellier Natio (@Natio_1976) June 21, 2023
“Dëgjuam një shpërthim të madh. Ne pamë tym të zi dhe rrënoja kudo (…) Menduam se ra rrufeja! Kishte erë gazi në rrugë”, tha një banor i zonës për gazetën Liberation.
Policia e Parisit u kërkoi gjithashtu qytetarëve që të shmangnin zonën në mënyrë që shërbimet e urgjencës të mund të ndërhynin.
