Qeveria e Kosovës dhe ajo e Shqipërisë sot do të mbajnë një mbledhje të përbashkët në Korçë. Në mbledhjen e katërt me radhë në agjendë do të jetë nënshkrimi i disa marrëveshjeve.
Mbledhja e parë u zhvillua në Prizren më 11 janar 2014, mbledhja e dytë e përbashkët u zhvillua më 23 mars 2015 në Tiranë.
Në 3 qershor 2016 dy qeveritë u mblodhën përsëri, por në Prishtinë, ndërkaq sot do të mblidhen në Korçë.
Ndërkohë më 7 nëntor u zhvilluar mbledhja e dytë e grupit qeveritar të punës, i cili është i ngarkuar për përgatitjen e axhendës së mbledhjes mes dy qeverive shqiptare.
Në mbledhjen e përbashkët të dy qeverive shqiptare e cila do të mbahet më 27 nëntor do të nënshkruhen një sërë marrëveshjesh të cilat kanë për qëllim thellimin e bashkëpunimit mes dy vendeve dhe eliminimin e barrierave për lëvizjen e njerëzve dhe të mallrave në këto dy shtete.
AXHENDA E MBLEDHJES SË DY QEVERIVE TË REPUBLIKËS SË SHQIPËRISË DHE REPUBLIKËS SË KOSOVËS
Korçë-Vlorë-Tiranë, 27-28 nëntor 2017
E hënë, 27 nëntor 2017
15.30 – Mbërritja e delegacionit të Republikës së Kosovës përpara Shtëpisë së Flamurit
(Vendi: Shëtitorja e Shën Gjergjit)
Delegacionet e dy Qeverive rreshtohen sipas Ceremonialit përkatës nga Protokolli i Shtetit
15.45 – Mbërritja e Sh.T. Ramush Haradinaj, Kryeministër i Republikës së Kosovës në krye të shëtitores së Shën Gjergjit
Në mbërritje, Kryeministri i Republikës së Kosovës mirëpritet nga Z. Edi Rama Kryeministër i Shqipërisë
Vijohet me luajtjen e himneve kombëtare dhe nderimet ushtarake nga Truproja e Nderit e Republikës së Shqipërisë
16.00 – Çelja e sesionit plenar të mbledhjes së dy Qeverive Shqipëri-Kosovë (Vendi: Shtëpia e Flamurit, kati II)
Fjalë e Z. Edi Rama, Kryeministër i Shqipërisë (15 min)
Fjalë e Sh.T. Ramush Haradinaj, Kryeministër i Republikës së Kosovës (15 min)
Fjalë të shkurtra nga anëtarë të dy kabineteve për të parashtruar çështjet kryesore dhe marrëveshjet për nënshkrim (2 min) – rendi i fjalëve bashkëlidhur
Z. Edi Rama, Kryeministër i Shqipërisë përmbyll sesionin plenar
Gjuha e punës: Shqip (përkthim simultan i siguruar për anëtarët serbishtfolës të Qeverisë së Kosovës
17.15 – Ceremonia e nënshkrimit të marrëveshjeve ndërqeveritare (Vendi: Shtëpia e Flamurit, kati I)
Rendi i nënshkrimit – bashkëlidhur
17.30 – Konferencë e përbashkët për shtyp e dy Kryeministrave (Vendi: Shtëpia e Flamurit kati I)
Gjuha e punës: Shqip
18.00 – Foto e përbashkët (Vendi: Sheshi përpara Shtëpisë së Flamurit)
18.05 – Kohë e lirë
20.00 – Darkë zyrtare shtruar nga Z. Edi Rama, Kryeministër i Shqipërisë, në nder të Sh.T. Ramush Haradinaj, Kryeministër i Republikës së Kosovës dhe delegacioneve të dy Qeverive (Vendi: Life Gallery, Bulevardi Republika).
E martë, 28 nëntor 2017
07.30 – Nisja e delegacioneve drejt Vlorës
11.45 – Mbërritja në sheshin Pavarësia të Vlorës
12.00 – Ceremonia e ngritjes së flamurit kombëtar dhe homazheve në monumentin funerar të Atit të Pavarësisë, Ismail Qemal bej Vlorës, me rastin e 105-vjetorit të shpalljes së Pavarësisë.
Ceremonia kryesohet nga Z. Ilir Meta, President i Republikës dhe zhvillohet në bazë të dispozitave të Ceremonialit të Republikës, nën mbikqyrjen e Protokollit të Shtetit.
Përveç Z. Edi Rama, Kryeministër, të pranishëm do të jenë edhe autoritetet më të larta të Republikës së Kosovës.
12.20 – Autoritetet shoqërohen drejt Shtëpisë muze të Pavarësisë.
Autoritetet zhvendosen me automjete drejt sheshit përpara Shtëpisë Muze.
12.25 – Mbërritja në oborrin e Shtëpisë muze. Në oborr janë vendosur karrige, podium dhe foltore si dhe një led i madh.
12.30 – Shpallja e logos zyrtare të Vitit Mbarëkombëtar të Gjergj Kastriotit-Skënderbeut
12.35 – Fjalë e Z. Edi Rama, Kryeministër i Shqipërisë
13.00 – Fjalë e Sh.T. Ramush Haradinaj, Kryeministër i Republikës së Kosovës
13.15 – Fjalë e Sh.T. Hashim Thaçi, President i Republikës së Kosovës
13.30 – Fjalë e Z. Ilir Meta, President i Republikës së Shqipërisë
14.00 – Autoritetet vijojnë për një buffet në selinë e Bashkisë së Vlorës
Autoritetet e larta të ftuara mund të kryejnë, sipas dëshirës, vizita individuale në mjediset e Shtëpisë muze.
14.30 – Nisja drejt Tiranës
19.00 – Pritje shtetërore organizuar nga Z. Ilir Meta, President i Republikës së Shqipërisë, me
rastin e Festës kombëtare, në Pallatin e Brigadave
(m.k/BalkanWeb)
