Një mosmarrëveshje mes shqiptarëve shkaktoi panik, në Via Martiri, në Sanremo, ku tre patrulla policie duhej të ndërhynin për të shuar sherrin. Njëri prej shqiptarëve goditi tjetrin dhe arriti të arratiset.

Dy shqiptarët janë zënë fillimisht me fjalë, kurse më vonë edhe janë përleshur fizikisht. Njëri prej tyre i gjuajti rivalit me shishe në kokë dhe u largua, shkruajnë mediat italiane.

Sheri nisi në një bar pranë qendrës së Matuziano, vend historik. Shqiptari i plagosur, i cili gjithashtu ka humbur shumë gjak, u dërgua në spital për shërim. Policia është vënë në kërkim të agresorit të dyshuar.

Karabinierët besojnë se dy shqiptarët e njihnin njëri-tjetrin, sepse ata kanë hyrë në bar bashkë. Agresionet dhe sherret mes të huajve në Itali janë të shpeshta.

(d.xh/Balkanweb)