Qershorin e kaluar, doli lajmi se Shakira kishte probleme të mëdha për të shitur rezidencën e saj në Miami. Sipas Omar Suarez në ‘Fiesta’, një emision i fundjavës në Telecinco, çështja ishte për shkak të një situate të pakëndshme që dilte nga prona. Shtëpia, e cila kushton rreth 15 milionë euro, ishte kthyer në një dhimbje koke të madhe për artisten kolumbiane. Omar Suarez, në programin Mediaset, shpjegoi:

Askush nuk e dëshiron për shkak të kushteve në të cilat është. Të gjithë blerësit e mundshëm janë tërhequr pasi zbuluan se ajo bëri disa riparime që nuk ishin plotësisht sipas kodit. Banjat janë të vendosura nën nivelin e ujit dhe kur bie shi në Miami, të gjitha ujërat e zeza të qytetit përfundojnë në shtëpinë e saj. Të gjitha mbeturinat e Miami-t përfundojnë në shtëpinë e Shakirës, ​​duke shkaktuar erë të keqe dhe probleme sanitare.

Tani, pas gjithë problemeve, duket se këngëtarja më në fund mund të jetë afër shitjes së rezidencës së saj. Por një aktor i njohur i Hollywood-it është i interesuar që të blejë rezidencën e Shakira-s në Miami. Rezidenca përmban gjashtë dhoma gjumi, shtatë banja, një pishinë dhe një palestër. Lagjja është edhe shtëpia e këngëtarëve dhe aktorëve të tjerë me famë ndërkombëtare. Marc Anthony thuhet se ka vepruar si ndërmjetës në shitje. Ndërsa identiteti i blerësit të mundshëm mbetet i pazbuluar, ka pasur spekulime se mund të jetë ose Ben Affleck, i cili përflitet se po përjeton probleme martesore me Jennifer Lopez, ose Will Smith.