Në një intervistë të dhënë për gazetarin Federico Marconit në median italiane T7, kryeministri Edi Rama foli edhe në lidhje me shtyrjen e hapjes së kampit të Gjadrit, ku do të bëhet edhe akomodimi i emigrantëve të ardhur nga Italian.

Shtyrje e cila ka ndodhur disa herë tashmë. Rama u shpreh se gjithçka ka ndodhur si pasojë e llogaritjeve të bëra nga qeveria italiane, ndërsa vendi ynë nuk ka asnjë detyrim ligjor në lidhje me këtë çështje.

“Janë llogaritje që i bën qeveria italiane. Shqipëria nuk ka asnjë kosto apo detyrim ligjor. Ne pritëm një operacion italian në një territor që do të menaxhohet nga ata”, tha ai.