Një tipar që shumë njerëz e kanë, por nuk është i dëshiruar, është “gusha e dyfishtë”. Pretendohet se një “gushë e dyfishtë” na bën të dukemi më të mëdhenj të moshë, si dhe zvogëlon qëndrueshmërinë e qafës.
Më poshtë do të gjeni disa këshilla se si të shpëtoni nga ky problem, pa kryer ndërhyrje kirurgjikale.
Ushqyerja është çelësi
Dieta juaj luan një rol vendimtar në shëndetin dhe pamjen e lëkurës tuaj. Ushqimet e pasura me lëndë ushqyese, si proteinat dhe acidet yndyrore omega-3, janë thelbësore për të mbajtur lëkurën tuaj të fortë. Vezët, peshku si salmoni, perimet dhe frutat plot vitamina dhe antioksidantë janë zgjedhje të shkëlqyera. Gjithashtu, ushqime si avokado dhe bulmet me pak yndyrë si kosi dhe djathi mund të ndihmojnë në reduktimin e varjes së lëkurës.
Shmangni ushqimet e shpejta, ushqimet e përpunuara dhe ushqimet e skuqura, pasi këto mund të shkaktojnë shtim në peshë dhe mbajtje të lëngjeve, duke përkeqësuar problemin e “gushës së dyfishtë”.
Trajtim me ultratinguj
Kjo teknikë përdor ultratinguj të mikro-fokusuar për të krijuar lezione të vogla në shtresat e thella të lëkurës, duke nxitur prodhimin e kolagjenit dhe shtrëngimin e indeve. Me një seancë, ju mund të shihni rezultate në disa muaj dhe të ruani rezultatin me kujdesin e duhur.
Trajtim me acid hialuronik
Kjo është një nga opsionet më të njohura për riformimin e kontureve të fytyrës. Acidi hialuronik forcon vijën e nofullës dhe ndihmon në ngritjen e zonës. Trajtimi është i shpejtë dhe rezultatet zgjasin për një kohë të gjatë.
Ushtrime të thjeshta dhe masazh fytyre
Përveç trajtimeve më të specializuara, ushtrimet dhe masazhet e fytyrës janë shumë efektive në rritjen e elasticitetit dhe qëndrueshmërisë së lëkurës.
Masazh i qafës: Me pëllëmbët e mbyllura, përdorni gishtat për të bërë lëvizje lart nga kocka e klavikulës në nofullën tuaj. Bëni këtë ushtrim në mënyrë alternative me secilën dorë 10 herë.
Ushtrimi me gishtat tregues: Përdorni gishtat tregues dhe bëni lëvizje të shpejta nga gusha në drejtim të qafës. Përsëriteni në të dy anët e nofullës.
