TIRANE – 1 qershori është një ditë që të gjithë fëmijët në mbarë botën e festojnë. Tradita ndiqet edhe në Shqipëri. Për ta 1 qershori është një ditë e shënuar që i bën të lumtur. Marrin dhurata të ndryshme,  dhe janë në qendër të vëmendjes. Shumica e e tyre e festojnë me prindërit e tyre. Por ka dhe një pjesë tjetër që e ndjejnë mungesën e prindërve. Ndër to janë edhe fëmijët e policëve të rënë në krye të detyrës.

Për t”ja kompensuar sadopak këtë boshllëk për këto fëmijë ka menduar drejtoria vendore e policisë së Tiranës. Nën kujdesin e drejtorit të policisë së Tiranës, Kastriot Skënderaj është zhvilluar një aktivitet që edhe fëmijët e policëve të rënë në krye të detyrës të festojnë si gjithë të tjerët. Dhurata për cdo fëmijë dhe lojëra argëtuese nga animatorë që morën pjesë në aktivitet. Por drejtoria vendore e policisë së Tiranës, më 1 qershor nuk ka menduar vetëm për fëmijët e policëve të rënë në krye të detyrës por edhe për ata të shtëpisë së fëmijës Zyber Hallulli. Në shtëpinë e fëmijës Zyber Hallulli janë dhuruar dy kondicionerë. Kjo ishte mënyra më e mirë për t”i uruar gëzuar 1 qershorin këtyrë fëmijëve.