Skënderbeu mesa duket do të duhet të presë gjatë për të qenë gati për ndeshjen e kthimit ndaj irlandezëve të Krusaders. Ambasada angleze në Athinë ka bllokuar klubin korçar dhe nuk u ka dhënë viza për të udhëtuar drejt Belfastit të Irlandës së Veriut, ku do të ndeshen me skuadrën e Krusadersit, për turin e dytë të Champions League, shkruan PanoramaSport.


Korçarët kishin bërë aplikimin “online” në zyrat e Athinës, sepse atje ka zyrë konsullore për t’u pajisur sa më shpejt me viza udhëtimi drejt ishullit britanik, por Ambasada angleze e Tiranës i ka çuar në Poloni pasaportat për t’i pajisur me viza dhe tashmë mund të duhet një periudhë e gjatë që kjo çështje të rregullohet.


Skënderbeu i ka bërë të gjitha procedurat siç duhet, por ambasada në Athinë, pa shpjegim dhe pa të drejtë ka refuzuar të pajisë kampionët e Shqipërisë t’i pajisë me viza për të udhëtuar drejt Irlandës së Veriut. Federata Shqiptare e Futbollit po mundohet të ndihmojë korçarët nëpërmjet UEFA-s duke u përpjekut ta zgjidhë sa më shpejt këtë problem. Do të jetë pikërisht presioni i UEFA-s, t’i detyrojë anglezët t’i japin vizat e udhëtimit kampionëve të Shqipërisë.


(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: