Zëdhënësja e Partisë Demokratike Ina Zhupa ka publikuar dokumente, me anë të së cilave ajo thotë se provohet se nënkryetari i Bashkisë Tiranë Arbjan Mazniku ka fatura hoteli të paguara nga oligarku që fiton tenderat pranë bashkisë së kryeqytetit.
Zhupa shprehet se duke ju referuar dokumenteve të publikuar nga portali JOQ, Administratori i Fusha sh.p.k Shkëlqim Fusha ka paguar 900 Euro në hotelin “Alma Barcelona” Spanjë për datat 19.06.2018 deri me 21.06.2018 për nënkryetarin e bashkisë Tiranë Arbjan Mazniku.
Ajo shton se Mazniku duhet të merret i pandehur nga Prokuroria për korrupsion e konflikt interesi, si dhe të largohet nga detyra.
Reagimi i zëdhënëses së PD Ina Zhupa:
Super Skandali Mazniku! Fatura hoteli të paguara nga oligarku që fiton tenderat e Bashkisë Tiranë. Prokuroria të nis hetimet për korrupsion , konflikt interesi, mosdeklarim të dhuratave mbi 100 mijë lekë të vjetra, dhe favorizim në tendera! Mazniku të largohet sa më shpejt nga detyra!
Duke ju referuar dokumentave të publikuar nga portali JOQ, Administratori i Fusha sh.p.k Shkëlqim Fusha ka paguar 900 Euro në hotelin “Alma Barcelona” Spanjë për datat 19.06.2018 deri me 21.06.2018 për nënkryetarin e bashkisë Tiranë Arbjan Mazniku.
Fusha sh.p.k është nje kompani klienteliste pranë Bashkisë Tiranë ku për 4 vite ka perfituar tendera në një vlerë rreth 30 milion euro. Prokuroria duhet të hetoj për lidhjen mes pagesave private per Maznikun dhe ndikimin e tij për marrjen e ketyre tenderave. Një subjekt në tender që paguan zyrtarin e institucionit klasifikohet si korrupsion, ushtrimi ndikimi, konflikt interesi. Për keto duhet te hetoj prokuroria.
Gjithashtu në zbatim te ligjit nr.9367, datë 7.4.2005 “Për parandalimin e konfliktit të interesave në ushtrimin e funkisioneve publike” është e ndaluar rreptësisht që një zyrtar të kërkojë ose të marrë, në mënyrë të drejtpërdrejtë a të tërthortë, dhurata, favore, premtime ose trajtime preferenciale, të cilat i jepen për shkak të pozicionit të tij, nga një individ, person fizik ose juridik privat .
Arbjan Mazniku ka shkelur detyrimin ligjor për deklarimin e kësaj dhurate pranë ILDKPI në formularin periodik vjetor të interesave private siç përcaktohet në faqen 8 të formularit. Për këtë skandal Mazniku duhet të largohet sa më parë nga detyra e tij dhe të hetohet nga prokuroria!
(d.xh/Balkanweb)
