Revista «Weltwoche» e Zürichut në numrin më të ri ka botuar të enjten një tekst për një këngëtare rep të quajtur Loredana, e cila është me origjinë shqiptare. Pra, shqiptare zvicerane. Ajo qenkësh rritur në Zvicër, më saktë në Emmenbrücke afër Luzernit. Loredana përshkruhet si reperja më e suksesshme që këndon në gjermanisht. Me një milion ndjekës në mediat sociale. Katër këngët e saj janë gjeneruar 76 milionë «streams». Por, Loredana (Zefi) në këtë tekst shërben vetëm si kukull, të cilën autori e stolis me të gjitha paragjykimet, klishetë, stereotipat që qarkullojnë kundër shqiptarëve në ambientet e errëta të shoqërisë zvicerane.
Teksti i «Weltwoche», mes tjerash, vlon nga vokabulari vjellës, përbuzës, ksenofob. Ky vokabular kulmon në formulimin: «Shqiptarët në botën e jashtme nuk e kanë lehtë, sepse përherë maten me ata pjesëtarët e përhershëm të shtresës së ulët, që udhëtojnë me Mercedes të zi, kanë kafka të rrafështa në pjesën e pasme dhe thonë fjali, të cilat janë aq të thjeshta sa kokat e tyre tullace. Ata mendojnë se janë njerëzit më cool në botë, se vajzat i presin vetëm ata dhe se një thikë thotë më shumë se një mijë fjalë».
U mbetet juristëve të specializuar në çështje mediale nëse një formulim i tillë është shkelje apo jo e ligjit kundër racizmit, por gjithsesi kjo gjuhë e «Weltwoche» tregon për një aversion primitiv kundër komunitetit shqiptar. Ky aversion është parë edhe pas ndeshjes së futbollit mes Zvicrës dhe Serbisë në Kaliningrad vitin e kaluar, gjatë Kampionatit Botëror të Futbollit. Futbollistët shqiptarë janë reduktuar në mercenarë nga Ballkani, që nuk identifikohen me Zvicrën dhe bëjnë politikë ballkanike në fushën e blertë, duke bërë gjestin me shqiponjë.
Teksti mbi reperen Loredana dhe partnerin e saj Gramoz Aliu, i cili është i njohur me emrin artistik Mozzik, është shembull i gazetarisë nëntokësore. Autori shkruan se kur Gramoz Aliu jetonte në Ferizaj, ai «me gjasë» shihte ëndrrën e zakonshme të burrave shqiptarë, ku një Mercedes me një nuse epshore në karrigen pranë shoferit ecën nëpër botën e të pasurve, ndërsa «gepeku» është plot me para. Aq i shkathtë është autori, saqë di t’i lexojë edhe ëndrrat e burrave shqiptarë. Ose së paku ëndrrat e Gramoz Aliut. Në Ferizaj Gramozi mendoi se me muzikë mund të fitosh më shumë para se me drogë. Sepse ai, kjo është e qartë, që në moshën 15-vjeçare ka menduar të shesë drogë për t’iu afruar ëndrrave të tij. Nga teksti nuk është e qartë nëse gazetari ka folur me Gramoz Aliun dhe nëse ai vetë ka thënë se kur ka qenë më i ri ka ëndërruar të shesë drogë.
Komuniteti shqiptar në Zvicër dhe përfaqësitë diplomatike janë aq mirë të organizuara, saqë po të mos problematizohej ky shkrim i poshtër këtu, as që do ta vërente ndokush. Mund të merret me mend se çka do të bëhej në Zvicër po të thuhej: të gjithë hebrenjtë e kanë hundën e shtrembër, të gjithë hebrenjve u vjen era hudhër, të gjithë hebrenjtë janë të etur për para. Do të çohej në këmbë krejt Zvicra kundër këtij stereotipi antisemit. Shqiptarët heshtin! Ose kacafyten me njëri-tjetrin në Facebook! Ose mbajnë poza të krenarisë së rrejshme prej «intelektuali» e «poeti»!
Ndërkohë partia populliste SVP ka filluar t’u vardiset shqiptarëve para zgjedhjeve parlamentare në vjeshtë. Deputetë të kësaj partie befas lavdërojnë shqiptarët dhe Kosovën, por komuniteti shqiptar në Zvicër duhet ta ketë të qartë edhe këtë: «Weltwoche» është praktiksht gazetë e SVP-së, pronari i saj dhe një gazetar janë madje deputetë të SVP-së në parlamentin konfederal.
Juristëve?
Nuk është e vërtetë që të gjithë shqiptarët kanë Mercedes. Ca më vështirë koka rrumbullake, po kemi dhe nga ata.
Stereotipi egziston dhe epiteti qëndron.
Koksheshte janë, dhe popull qe shkaku kryesor i vdekjeve nuk është as natyra as aksidenti por, “ca ke qe shef”
na dhemb e verteta por tipat si pune e kesaj loredanes jane krejt qesharake dhe te rendomta, ndersa muzika e tyre te ben per te vjelle
o njerëz, ej, është alarmante!
Lëre Zvicrën, po këtu, këtu në Shqipëri.
I keni parë video-klipet? Me çfarë po rriten adoleshentët tanë?!?!
Me femra, para, makina luksoze dhe drogë!
A mund të bëhet diçka? Kush do ta mbrojë rininë tonë, të ardhmen tonë?
rracist i ndyre dhe i neveritshem
Ai hiqet si Zviceran por as Zvicra dhe as Europa e tere si kane dhene civilizimit aq sa i kane dhene shqiptaret ne qindra e mijera vjecare
TURPI I TYRE
Pikes i ka rene, shqipo kokekatroret, zorraxhinjte e europes hapen bithesh ne vende te huaja, skane breke ne bythe e kane benx pikaaaaaaaa
pjesa me e madhe e shqiptareve ashtu jane
Marr shkas nga artikulli “Skandalizon revista zciveriane: Shqiptarët, kafkë sheshtë me Benz”. Dikush duhet te shkundet dhe ta marre seriozisht çeshtjen sesi shqiptaret perceptohen ne bote. por kjo nuk eshte i vetmi shqetesim i imi. artikull shkruesi duhet te mesoje vete shqip njehere dhe te mos perdore fjale te tilla si “vokabular”, apo “aversion” apo ku di une. me shume rrespekt per gjuhen tone dhe keshtu do bejme me shume per te ruajtur identitetin tone si komb.
faleminderit
“por kjo nuk eshte i vetmi shqetesim” kur e fillon fjaline me “kjo” duhet te thuash e vetmja dhe jo i vetmi o shqiptar qe di te shkruash shqip…..
fjala respekt ka nje “R” dhe jo dy o albanolog …….
E verteta eshte qe kemi perfunduar duke shperndare injorance kudo si ne tv si ne jeten e perditeshme ,muzika e ketyre te ashtuquajturve rapper eshte pa asnje lloj vlere ,predikon dhunen dhe jeten materialiste gjithe kohen ……
Muzika rap ne gjith boten predikon dhune seks droge dhe jo vetem ktu te ne…injoranca jone vjen qe te ty qe bashkohesh me perkufizimet rraciste qe na ka vene ai pseudogazetar aty qe gjasme is eshte zviceran i paster kur zvicra ne vetvete nuk esht nje komb etnik dhe nuk ka pare njeher lufte me sy…rracisti i ndyre qe perkufizon shqiptaret ne pergjithesi dhe i fut te gjith ne nje thes nuk ja ka idene fare se cfare kan hequr shqiptaret dhe sa te vuajtur jane..