Roja Bregdetare e SHBA-së ka shpëtuar një burrë që u gjet i kapur për një ftohësi që po lundronte rreth 50 kilometra nga Longboat Key, një ishull në brigjet e zonës Sarasota.

Shpëtimi në Gjirin e Meksikës ndodhi të enjten në orën 13:30 me orën lokale, sipas një njoftimi të Rojës Bregdetare, shkruajnë mediat e huaja.

Zyrtarët nuk e kanë përmendur emrin e burrit, por thanë se ai është kapiteni i një anije peshkimi.

Të hënën, kapiteni thirri rojet bregdetare për të raportuar se anija ishte me probleme. Ai dhe një anëtar tjetër i ekuipazhit u shpëtuan me helikopter dhe “anija mbeti në rrugë”.

Por më pas të mërkurën rreth mesditës, pronari i anijes thirri zyrtarët për të thënë se kapiteni ishte kthyer në anije.

Ekipet e shpëtimit kontaktuan me radio kapitenin, i cili raportoi një problem me timonin.
Zyrtarët i thanë atij që të vishte jelekun e shpëtimit dhe “të kapej fort”, ndërsa ai po përgatitej që të mbërrinte uragani.

Në atë pikë, valët ishin rreth 1.8-2.4m dhe erërat ishin rreth 48km/h, por ato pritej të rriteshin gjatë natës.

“Ky njeri mbijetoi në një skenar makthi edhe për marinarin më me përvojë”, ka thënë nënkoloneli Dana Grady, kryekomandant i sektorit të Shën Petersburgut.

“Për të kuptuar ashpërsinë e kushteve të uraganit, ne vlerësojmë se ai përjetoi erëra me shpejtësi mbi 120 km/h, për një periudhë të gjatë kohore për të përfshirë gjatë natës.

“Ai mbijetoi për shkak të një jeleku shpëtimi, dhe ‘pozicionimit’ të tij”.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: