“Mauro është një lojtar i madh dhe një mik i yni, të shohim se çfarë do të ndodhë. Nëse qëndron, do të jemi të gjithë të lumtur”. Ky është mesazhi që mbrojtësi i Interit, Milan Skriniar, i jep shokut të tij të ekipit, Mauro Ikardit, në një intervistë ekskluzive për “Sportmediaset”.
Mbrojtësi i përfaqësueses sllovake prek edhe temën e ndërrimit të trajnerit në shtëpinë zikaltër. “Spaleti është një njeri i madh dhe një trajner i madh, por klubi zgjodhi këtë rrugë. Tani është Konte, kemi pritshmëri të tjera dhe duam të luftojmë për titullin kampion.”
(Balkanweb)