Të paktën shtatë njerëz kanë vdekur në një shpërthim gazi në një bllok banesash në Sllovakinë lindore.

Një person është ende i humbur ndërsa zjarrfikësit vazhdojnë të kërkojnë në ndërtesën në qytetin e Presovit.

Departamenti shtetëror i zjarrit tha: “Në përgjithësi, supozojmë se numri i viktimave në vend është tetë, shtatë të konfirmuara (deri më tani)”.

Shpërthimi ndodhi në majë të ndërtesës 12-katëshe ditën e premte.

Pothuajse gjysma e ndërtesës ishte e përfshirë në flakë dhe tre katet e larta u shkatërruan.

Zyrtarët thanë se 40 persona ishin lënduar.

Zjarri u shua të shtunën në mëngjes, pasi më shumë se 100 zjarrfikës punuan gjatë natës për ta sjellë atë nën kontroll.

Komandanti i  forcave zjarrfikëse, Jan Golias tha: “Zjarrfikësit nuk ishin dakord me ndryshimet e ndërtimit të bëra në vitin 2017. Disa rregullore u shkelën. Kjo mund të ketë shkaktuar rrëzimin e shkallëve, ku ne nuk mund të evakuonim banorët”.

Kryeministri i Sllovakisë Peter Pellegrini, i cili vizitoi vendin të premten, tha se ndërtesa është aq e dëmtuar sa mund të shkatërrohet.

Banorët në ndërtesat aty pranë u evakuan dhe qëndruan nëpër shkolla.

 

Skynews Presov Gas Explosion 4859365

 

A. Ago BalkanWeb

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb