Ashtu si Presidenca, Kryesia e Kuvendit dhe disa institucione të tjera shtetërore, edhe Partia Demokratike me anë të dritave ka “ngjyrosur” selinë e saj në blu, në shenjë solidarizimi për ndërgjegjësimi për autizmin.

“Në Ditën Ndërkombëtare të Autizmit, PD solidarizohet me të gjitha familjet që përballen çdo ditë me vështirësitë e kësaj sfide.

PD zotohet se, me ardhjen në pushtet, do të nxjerrë mijëra familje nga harresa dhe indiferenca e keqqeverisjes së Ramës dhe do t’u vijë në ndihmë për ta përballuar me dinjitet, së bashku, luftën ndaj këtij fenomeni.

Me Paketën e Dhembshurisë, Partia Demokratike nuk ofron lëmoshë, por dinjitet!

Në nder të kësaj dite dhe të përpjekjes së mijëra nënave, baballarëve e familjeve shqiptare, selia e PD është ngjyrosur sonte në blu” – shkruan Sali Berisha në profilin e tij.

(BalkanWeb)