Në kalendarin e Organizatës së Kombeve të Bashkuara, 18 dhjetori është Dita Ndërkombëtare e Emigrantëve.
Sipas të dhënave zyrtare të OKB, që nga viti 2014, rreth 70,000 migrantë kanë vdekur ose janë zhdukur përgjatë rrugëve tokësore dhe detare, ndërkohë që numri i vërtetë ka të ngjarë të jetë shumë më i lartë. Çdo vdekje e regjistruar përfaqëson një person humbja e të cilit prek thellë familjen e tyre dhe kumbon në të gjithë komunitetet dhe shoqëritë.
“Kjo është një krizë e heshtur humanitare dhe është një krizë që ne mund ta zgjidhim”, thuhet ne faqen online të OKB-së.
Për sekretarin e Përgjithshëm të OKB-së, Dita Ndërkombëtare e Emigrantëve është një mundësi të veçantë për të hedhur në qendër të vëmendjes kontributet e paçmueshme të miliona emigrantëve në mbarë botën. Është gjithashtu një ditë për të nxjerrë në pah mjedisin gjithnjë e më kompleks në të cilin ndodh emigrimi. Konfliktet, fatkeqësitë e lidhura me klimën dhe presionet ekonomike vazhdojnë të dëbojnë miliona njerëz nga shtëpitë e tyre në kërkim të sigurisë ose thjesht mundësive.
Megjithatë, krahas sfidave, janë historitë e qëndrueshmërisë, përparimit dhe shpresës. Aty ku migrimi i sigurt dhe i menaxhuar mirë ka një potencial të jashtëzakonshëm. Emigrantët luajnë role kritike në tregjet e punës, duke plotësuar boshllëqet e aftësive, duke nxitur inovacionin dhe sipërmarrjen dhe duke adresuar sfidat demografike në shoqëritë në plakje.
