Gordana Siljanvoska Davkova fushatën do të fillojë nga Ohri, Stevo Pendarovski nga Prilepi ndërsa kandidati i opozitës shqiptare, Blerim Reka fushatën zgjedhore do ta fillojë në sheshin “Skënderbeu” në Shkup.

Tre kandidatët për kryetar të ardhshëm të Republikës së Maqedonisë së Veriut, Blerim Reka, Gordana Siljanovska Dakova dhe Stevo Penderovski nesër fillojnë zyrtarisht garën për të parin e shtetit.

Gordana Siljanvoska Davkova fushatën do të fillojë nga Ohri, Stevo Pendarovski nga Prilepi ndërsa kandidati i opozitës shqiptare, Blerim Reka fushatën zgjedhore do ta fillojë në sheshin “Skënderbeu” në Shkup.

Pritet që narrativet e kandidatëve do të jenë marrëveshja e Prespës, eurointegrimet dhe ekonomia.

Fushata zgjedhore do të zgjasë deri ditën e premten më 19 prill, ku më pas vijon heshtja zgjedhore. Në këto zgjedhje presidenciale të drejtë vote kanë 1.808.131 qytetarë.

Që zgjedhjet të jenë të suksesshme, është e nevojshme që në rrethin e dytë të dalin së paku 40% e votuesve.

(BalkanWeb)