Çështja e trajnerit të ri mund të pres, Inter fillimisht duhet të sigurojë një vend në Champions League sezonin e ardhshëm. Në shtëpinë ziklatër duken të bindur se mund ta arrijnë një objektiv të tillë, fundja dhe kalendari i favorizon( Udinese, Chievo, Napoli dhe Empoli). Çdo diskutim mbi të ardhmen mund të ndryshojë nëse Inter nuk arrin të ruaj vendin e 4-ët.
Për momentin dy janë emrat e vetëm që lidhem me stolin e Interit sezonin e ardhshëm, Spalletti që mund të konfirmohet dhe Conte. E nisim diskutimin nga i pari, trajneri aktual, Spalletti. Pas sfidës kundër Juve ishte i bindur, as europa mund të mos mjaftojë për ta konfirmuar, është e qartë dëshira e drejtuesve të klubit për të bërë një ndryshim.
Në fakt ky ndryshim mund të vinte shpesh gjatë këtij sezoni por pronarët kinez nuk janë nxituar asnjë herë, shpesh duke i dalë në krah Spallettit. Kur bëhet fjalë për llogari kinezët e marrin me qetësi, shkarkimi i Spallettit do ti kushtonte jo pak por 20 milion euro.
Zëvendësimi i tij me Conten do të rriste akoma më shumë kostot pasi ish trajneri i Chelsea kërkon jo pak por 9 milion euro kesh në sezon. Në këto kushte, llogaritë pritet të bëhen në fund të sezonit, ku Champions League pritet të jetë përcaktuese.
(BalkanWeb)
