Një shpërthim gazi ka ndodhur në një apartament në Madrid , si pasojë e të cilit janë plagosur dy gra.

Sipas El Pais, një nënë dhe vajza e saj, përkatësisht 75 dhe 42 vjeç, u plagosën rëndë teksa po flinin nga zjarri dhe mbeturinat e rëna, ndërsa dy fqinjët pësuan sulme të rënda ankthi pas aksidentit.

Ndonëse struktura e pronës nuk është në rrezik, zjarrfikësit bashkiakë kanë evakuuar të gjithë banorët e pesë kateve, nga i nënti, ku ndodhi shpërthimi, deri në të fundit, të 13-të, pasi banesat nuk kanë as ujë e as energji elektrike.

Zjarrfikësit e Bashkisë së Madridit shkuan në vendin e shpërthimit, në lagjen La Paz, ku nxorën nga rrënojat dy të plagosurit. Të dyja gratë pësuan djegie të shkallës së dytë, mavijosje dhe çarje.

Nënë e bijë janë dërguar në gjendje të rëndë në repartin e djegieve të spitalit La Paz. Sipas përfaqësuesit, 75-vjeçarja ka djegur 20% të sipërfaqes së trupit dhe 42-vjeçarja 60%. Në spital u dërguan edhe fqinjët, ku morën kujdes për krizën e panikut.

Mësohet se shpërthimi ka shkaktuar dëme të konsiderueshme në shtëpinë, por edhe në pjesën tjetër të katit, ndërsa janë dëmtuar edhe ashensorët. Të dhënat e deritanishme tregojnë se bëhet fjalë për një shpërthim gazi në tubacion.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: