Pamjet që shihni vijnë nga ambientet e gjykatës së Elbasanit, nga seanca gjyqësore që po mbahet për 2 rusët dhe ukrainasin e arrestuar pas sulmit në uzinën e armëve në Gramsh.
Svetlana Timofoeva, 33 vjeçe dhe Mikhail Zorin dhe 25-vjeçari ukrainas Fedir Alpatov u arrestuan pasi tentuan që të hynin në ambientet e uzinës, ndërsa një prej tyre sulmoi edhe dy ushtarët që ruanin godinën, Adrian Xhaka dhe Aldo Bici.
LSA ka siguruar pamjet nga brenda sallës ku shihen 3 të rinjtë pas kafazit të xhamit, ndërsa për herë të parë shfaqen imazhet e tyre të plota pas rënies në pranga.
Pasi mediat kanë marrë plane, janë larguar pasi seanca do të zhvillohet me dyer të mbyllura, sepse konsiderohet që ka sekret shtetëror të hetimit dhe sekret të hetimit.
(BalkanWeb)
