Shërbimi Sekret i Serbisë e njohur si BIA, ka konfirmuar autenticitetin e videos ku spiuni rus Georgi Kleban i jep para një agjenti të lartë të Serbisë.
BIA serbe ka konfirmuar për RTS se personi në video është një spiun rus, kurse kryeministrja Ana Brnabiq ka deklaruar në hollin e Kuvendit të Serbisë, se në orët e para të mëngjesit është takuar me presidentin Aleksandar Vuçiç i cili njëherit është komandant suprem i ushtrisë, i cili ka kërkuar nga Shërbimi i Inteligjencës ushtarake të Serbisë të fillojë hetimet e kësaj afere.
Në anën tjetër ministri serb i Mbrojtjes, Aleksandar Vulin, ka thënë se Vuçiç është duke mbledhur informacione, duke pranuar se nesër pret të fton në takim të gjithë shefat e shërbimeve sekrete si dhe gjeneralin e ushtrisë serbe.
