“Nuk të kam votuar kurrë”! Kështu i shkruan një qytetar kryeministrit Edi Rama, i cili i kërkon ndihmë, pasi familja e tij me nënën invalide dhe vajzën 2 vjeçe ka tre muaj që është në errësirë, sepse nuk i bëjnë kontratën e dritave.
Në mesazhin drejtuar Ramës, qytetari shprehet se po vuan ndëshkimin për shkak të borxheve të pashlyera që ka vëllai i tij, ndonëse vetë ai nuk ka asnjë problem.
Mesazhet e qytetarit, i cili ndër të tjera e falënderon kryeministrin për zgjidhjen e problemit, janë publikuar nga vetë Rama, në faqen e tij në “Facebook”, teksa nuk mungon dhe përgjigjja e këtij të fundit.
Kreu i qeverisë i thotë qytetarit se “Më vjen shumë mirë që problemi u zgjidh. As nuk të pyeta për kë ke votuar, as nuk e ndoqa hallin që të më votosh mua, po sepse e bëj këtë me të gjithë edhe pse do doja të bëja shumë më tepër për të gjithë! Të jeni mirë familjarisht”.
(BalkanWeb)
