Finalja e Kupës së Italisë kishte një copëz kuqezi, një sfidë brenda sfidës, Strakosha kundër Gjimshitit, dy nga legjionarët më në formë në Serie A. Fati e desh që në fund të festonte Tomasi, Lazio siguroi për herë të shtatë Kupën e Italisë, për Strakoshën ky ishte trofeu i parë i rëndësishëm në karrierën e tij.

Si gjithnjë, Straksosha nuk zhgënjeu as në këtë sfidë jetike për ekipin e tij, mbajti portën e pa prekur dhe pse përballë kishte sulmin më të mirë të Serie A:

“I gatshëm, e nis menjëherë duke pritur një goditje të Gomez, jo shumë e vështirë. Më pas duhet të falënderoj shtyllën në aksionin më të rrezikshëm të Atalantas. Në pjesën e dytë i duhet të ndërhyj vetëm në një rast të Castagne, rrezikon ta pësoj në goditjen e Gomez, nota 6 për Strakoshën”.

Berat Gjimshiti po kalonte një moment shumë të mirë në kampionat ku prej kohësh ka siguruar një fanellë titullari por në finalen kundër Lazios ishte lojtari më pak i vlerësuar për Atalanatën:

“Nuk vendoset thuajse asnjëherë në vështirësi, edhe sepse praktikisht Lazio sulmoi në anën tjetër, sidomos në pjesën e parë. Pastaj bën një gabim trashanik ndaj Correa, pas të cilit nuk e merr më veten. Humbet Milinkovic-Savic në golin e parë, nota 4,5 për Gjimshitin
(BalkanWeb)