TIRANË

Si çdo mëngjes qytetarë të shumtë kanë gjetur një derë të hapur në News24, në emisionin e mëngjesit “Koha për t’u zgjuar” për të shprehur hallet e shqetësimet e tyre. Dikush për rrugën, dikush për shkollën por nuk mungojnë as qytetarët që shprehin shqetësime për zhvillimet në vend.

Disa qytetarë kërkojnë që studentët të mos protestojnë më gjatë javës pasi po humbi mësimin por vetëm në fundjavë. Disa të tjerë kërkojnë rrëzimin e qeverisë.

Qytetar 1: Dikush pyeti a kanë halle studentët. Hallin e ka qeveria, studentët kanë shqetësime.
Qytetar 2: Tërheqja zvarrë e Edi Ramës dhe qeverisë është emergjente. E kanë gri këtë popull. Edi Rama është kanceri i shkatërrimit të Shqipërisë.
Për 21 janarin, ato 4 familje që kanë humbur të afërmit, duhet të shkojnë në Surrel, t’ia kërkojnë gjakun Edi Ramës. Sepse ai i ka çuar atje.

Qytetar 3: Thonë veprimet e Ramës janë si komunist. Unë do ta quaj neofashist. Masakron të varfrin. Mithat Frashërin e quan hero, veteranët i quan spiunët. Për vrasjet e 21 janarit. Masakrën kryesore e ka bërë ai, më vjen shumë keq për viktimat por 500 e ca mijë euro na i mori ne. Unë për 20 e ca vite kam votuar Partinë Socialiste, por Rama nuk është komunist por neofashist.

Qytetar 4: Doja të flisja pak për protestën, për revoltën e madhe që do të bëjë PD-LSI. Nuk kanë fytyra të dalin. Ne nuk jemi budallenj.
Qytetar 5: Më vjen shumë keq dhe dëgjova disa persona dhe kanë shumë të drejtë të shkretët se me këta studentët po bëhet lojë dhe po e bëjnë direkt ata të tjerët. Njeri është dhe ai. Në qoftë se gabon atje në parlament pse nuk i thonë hajde pak këtu ti Edi Rama.

Qytetar 6: Populli është plotësisht i braktisur në Kukës. Ka familje të bllokuara.
Qytetar 7: Këta studentët ngelën rrugëve, ngelën pa mësim. Të kthehen në mësim, le të protestojnë të shtunë dhe të diel.

(m.k/BalkanWeb)