ANGLI
Lojtari i Kombëtares së Zvicrës, Xherdan Shaqiri mbrëmë jetoi ëndrrën në Angli pasi shënoi dy gola në fitoren bindëse të Liverpulit ndaj Manchester United në shifrat 3-1.
Paraqitja spektakolare e kosovarit rrëmbeu vëmendjen e mediave prestigjioze sportive në Angli, por jo vetëm pasi shtatshkurtri la gjurmë me dy gola, njëri më i mirë se tjetri.
Suksesi i Xherdan Shaqiri është materializuar në një këngë, natyrisht komike, që tregon mbi aftësitë e jashtëzakonshme të këtij lojtari. Kjo video është bërë virale në rrjet, ndërsa pjesë e përmbajtjes janë të gjitha momentet dhe rastet kyçe të triumfit ndaj “Djajve të Kuq”. Gjithashtu në materialin komik ka pjesë të cilat janë të adresuar tek kritikët e kosovarit.
(n.m/BalkanWeb)