Të paktën 19 persona kanë humbur jetën nga sulmi terrorist në Burkina Faso, transmeton Anadolu Agency (AA).

Sipas lajmeve në mediet vendase, si pasojë e zjarrit të hapur nga persona të armatosur në qytetin Arbinda, në veri të vendit, kanë humbur jetën 19 persona, ndërsa janë plagosur 13 të tjerë. Në sulm gjithashtu i është vënë zjarri shumë shtëpive, ndërsa qindra persona braktisën vendin e tyre.

Nga sulmet terroriste që vazhdojnë që nga muaji prill në Burkina Faso kanë humbur jetën 62 persona, ndërsa qindra persona janë larguar nga shtëpitë e tyre. Burkina Faso që nga viti 2015 është cak i sulmeve terroriste. Që nga 1 janar 2019 në 7 nga gjithsej 13 rajone të vendit është shpallur gjendje e jashtëzakonshme.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb