BRITANI-Policia antiterror në Britani ka marrë në pyetje personin 29 vjeçar i dyshuar se është përpjekur të kryejë vrasje, gjatë sulmit me thikë në metronë e Londrës, ku mbetën të plagosur dy vetë.
Policia e Londrës tha se sulmi “i dhunshëm dhe i paprovokuar” në stacionin e hekurudhës nëntokësore Leytonstone, mbrëmë vonë, po trajtohet si “incident terrorist”.
Autoritetet kanë kërkuar nga dëshmitarët okularë që e kanë fotografuar sulmin, të bashkëpunojnë me policinë.
Raportohet se i dyshuari kishte bërtitur “kjo është për Sirinë” në momentin e sulmit.
Policia tha se një nga të plagosurit ndodhet në gjendje të rëndë, ndërsa tjetri ka pësuar lëndim të lehtë.
Më 3 dhjetor, Britania ka nisur sulmet ajrore kundër ISIS në Siri.
(d.d/BalkanWeb)