TIRANË

Gjykata e Krimeve të Rënda ka vendosur të lërë në burg 6 personat e arrestuar të akuzuar për grabitjen e rreth 6 milionë eurove në aeroportin e Rinasit.
Gazetarja Klodiana Lala raportoi për “BalkanWeb” se Gjykata ka rrëzuar ankimin e Oltion Veselit dhe Elton Piklit për zgjatjen e afateve hetimore me tre muaj nga ana e prokurorisë për Krime të Rënda.


Të arrestuar për supergrabitjen në aeroportin “Nënë Tereza” janë Oltion Veseli, Elton Pikli, Renaldo Sula, Saimir Çela, shtetasi nga Kosova Ragip Hajdini dhe Alkond Bengasi i cili është bërë bashkëpunëtor i drejtësisë.


Ndërkohë Gjykata ka urdhëruar gjithashtu që të merret me detyrim kampioni biologjik për ADN-në për Oltion Veselin.
Gjatë grabitjes më 9 prill të këtij viti mbeti i vrarë dhe Admir Murataj i cilesuar si kreu i grupit kriminal.


(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb