Vllaznia e radhit Teutën mes rivalëve të preferuar të paktën në tri vitet e fundit. Në 13 ndeshjet e fundit që këto skuadra kanë luajtur mes njëra tjetrës, durrsakët kanë fituar vetëm një herë, e fundit në gusht të vitit 2021, më shumë sesa tri vite më parë.

12 ndeshjet pasardhëse kanë përfunduar në barazim ose me fitoren e shkodranëve. Saktësisht Vllaznia ka fituar 6 ndeshje, kundrejt po aq barazimeve. Në katër betejat e vjetshme Vllaznia fitoi 3 të tilla.