Flamurtari ka zyrtarizuar trajnerin e ri për sezonin e ardhshëm. Ndryshe nga sa ishte folur ditët e fundit në media, në krye të pankinës së skuadrës vlonjate duke nisur nga sezoni i ardhshëm do të jetë Gerd Haxhiu. Tekniku është prezantuar gjatë mesditës së të hënës nga administratori i klubit, Sinan Idrizi. Haxhiu merr drejtimin e Flamurtarit në një periudhë delikate, teksa I mbetet pak kohë për të ndërtuar një ekip kompetitiv për sezonin e ardhshëm.
Ky është një rikthim në Superligë, për trajnerin që më parë ka patur eksperianca me skuadra si Besa, Skenderbeu, Luftëtari, Korabi, Partizani dhe Apolonia. “Pas eksperiencës si lojtar, rikthehet me detyrën e trajnerit të parë. Stafit të teknikut vlonjat i bashkohet edhe një emër i njohur në futbollin shqiptar, Dritan Sadedini, me detyrën e ndihmëstrajnerit”, lexohet në njoftimin e shkurtër për mediat të klubit vlonjat.
(balkanweb)
