“Kam mbetur pa fjalë që ky raport bashkë me 160 raporte të tjera ka ardhur në Komision të Ekonomisë dhe ne të gjithë këtu sillemi sikur skemi dijeni për këtë gjë?” u shpreh deputetja e PD, Jorida Tabaku, në mbledhjen e Komisionit të Ekonomisë dhe Financave në dëgjesën me kryetarin e KLSH. Tabaku në fjalën e saj kritikoi ashpër tentativën e kryetarit të komisionit të Ekonomisë dhe Financave për të sulmuar institucionin e KLSH dhe pavarësinë e tij. Ajo solli në vëmendje dhe një herë standartin e dyfishtë që përdroej për z. Shehu drejtues të KLSh dhe drejtuesit e tjerë të institucioneve të pavarura që ndonëse kanë sjellje arrogante sërishmi janë të falur nga mazhoranca dhe respektohen ng apala tjetër.
Deputetja e PD, Tabaku, u shpreh se sulmi ndaj institucionit të KLSH bëhet për të mbuluar abuzimet që zbulohen nga ky institucion dhe në një seri të gjatë 15 pyetjesh së bashku me komentet ajo ngriti shqetësime nga rindërtimi tek abuzimi me fondet e tërmetit dhe gjithashtu edhe shifra të tjera duke I kërkuar drejtuesit të SPAK numrin e çështjeve dërguara në SPAK dhe prokuroritë e tjera.
Më tej znj Tabaku u thellua në skandalin e akullores duke u shprehur se AKU ka manipuluar publikun me deklaratën pasi KLSH e ka informuar atë duke i dërguar raportin .
“Ky raport shkruan qartësisht që në datën 27 korrik në orën 13.58 ka marrë AKU njoftim për një rrezik shumë të lartë dhe pas një muaji ka bërë infrmimin? Këtë raport e të marrin masa për këtë raport” u shpreh Tabaku ndërsa vijoi “Kush ka pasur përgjegjësi për të lexuar këtë raport, për të marrë masa, për ta hedhur në rezolutë dhe kthyer plan veprimi në të ardhmen. Natyrisht që ka pasur mundësi për masa dhe gjithashtu edhe mundësinë për të pasur dijeni për raportin. Kështu që është diçka e mirë që edhe në nënkomision të shohim raportet me detaje. “
Më poshtë fjala e plotë e deputetes së PD, Jorida Tabaku:
Të nderuar kolegë, ju kërkoj ndjesë që nuk kam qenë në të gjitha mbledhjet por drejtoj një komision tjetër dhe agjenda e kuvendit ka qenë e ngarkuar. Në respect të kohës dhe në respect të kolegëve që kanë ndejtur me orë të gjata dua të them dy-tre mendime.
Ndaj po e ndaj për procedurë dhe më pas disa pyetje që kam për KLSH.
Nuk kam asnjë linjat 0900 që më çojnë qytetarët pyetje dhe komente por në numrin tim kanë ardhur mesazhe nga kolegë dh eish kolegë të kuvendit nga të dyja krahët që ishin të shqetësuar ndaj sjelljes që kishim në raport me KLSH. Ndaj ekipit të KLSH por njëkohësisht edhe ndaj sulmeve verbale. Ne kemi zyrtarë dhe përfaqësues të institucioneve të pavarura që janë sjellë në kuvend me arrogancë që sillen si sharlatanë dhe ofendojnë kuvendin. Mbrëmë ishim duke dëgjuar në mesnatë teori akademike dhe askush nuke. Ka fyer atë institucion.
Ndërsa sot kemi KLSH dhe në vend që të jenë nën monitorim institucionet që auditohen në pikëpyetje ndodh e kundërta dhe pyetjen ia vendosim KLSH. Gjyq popullor, e quajti një ish deputet i majtë, atë që i ndodhi drejtuesit të KLSH. Kam shumë respect për profesorin tim, arben Majal, që kishte mbetur I çuditur nga sjellja ndaj një institucioni të pavarur. Edhe dje diskutuam për pavarësinë e BSH dhe ahrrojmë që kjo pavarësi duhet të jetë për të gjithë institucionet e pavarura.
I nderuar, drejtues I KLSH të ksihte qenë në zgjedhjen time nuk do isha future në lidhje me çështjen që ju u morrët për raportin e AKU dhe problemit që ka ndodhur në vitin 2021 por mbasi kjo ndodhi, u informova për auditimin tematik të ushtruar nga KLSH. Kam mbetur pa fjalë që ky raport bashkë me 160 raporte të tjera ka ardhur në Komision të Ekonomisë dhe ne të gjithë këtu sillemi sikur skemi dijeni për këtë gjë?
Ky raport shkruan qartësisht që në datën 27 korrik në orën 13.58 ka marrë AKU njoftim për një rrezik shumë të lartë dhe pas një muaji ka bërë infrmimin? Këtë raport e të marrin masa për këtë raport. Jam ndjerë shumë keq kur kam parë sulme ndaj KLSH dhe sna takon që të bëjmë këtë gjë. Kam shumë shqetësime në lidhje me KLSH por nuk më jep të drejtën as të sulmoj dhe as të vë në pikëpyetje integritetin vetëm sepse japin mendime kundër qeverisë. Ne duhet përtej politikës ti mbrojmë këto institucione të pavarura.
Raporti i KLSH është online dhe kushdo mund ta aksesojë. E përmes atij raporti të lexojë se AKU ka nxjerrë një njoftim të gënjeshtër pak ditë më parë dhe ka keqinformuar qytetarët. Kush ka pasur përgjegjësi për të lexuar këtë raport, për të marrë masa, për ta hedhur në rezolutë dhe kthyer plan veprimi në të ardhmen. Natyrisht që ka pasur mundësi për masa dhe gjithashtu edhe mundësinë për të pasur dijeni për raportin. Kështu që është diçka e mirë që edhe në nënkomision të shohim raportet me detaje.
(Balkanweb)
