Presidenti serb Aleksandar Vuçiç deklaroi se vendi i tij dëshiron të jetë vendi i takimit midis presidentit të zgjedhur të SHBA-së Donald Trump dhe presidentit rus Vladimir Putin.
Në një deklaratë për një kanal televiziv, Vuçiç rikujtoi se Trump ka njoftuar se po punonohet për organizimin e një takimi me Putinin.
“Trump mori mbështetjen më të madhe në Evropë nga Serbia gjatë periudhës zgjedhore. Putin është gjithashtu shumë i popullarizuar në Serbi”, tha ai.
Sipas tij ,Serbia është e gatshme të jetë mikpritëse e takimit midis Trumpit dhe Putinit , dhe plotësisht e përgatitur të garantojë sigurinë e dy liderëve.
Disa ditë më parë, presidenti i sapozgjedhur i SHBA-së, Donald Trump theksoi se tashmë po punonte për organizimin e një takimi me Putinin.
Duke komentuar këtë deklaratë, Kremlini vuri në dukje se udhëheqësi rus është “i hapur për kontakte”.
Ndërkohë, Ministria e Jashtme e Ukrainës shtoi se Kievi pret që një takim midis Zelenskyt dhe Trump të zhvillohet menjëherë pas inaugurimit të tij më 20 janar.
(BalkanWeb)
