Presidentja e Komisionit Evropian, Ursula von der Leyen, në Parlamentin Evropian është shprehur se do të mbrojë të drejtat dhe interesat e BE-së përballë tarifave që do vendosen nga Donald Trump.

Ajo u shpreh se nuk ishte Evropa ajo që nisi konfrontimin tarifor, por gjithashtu kupton argumentet e Shteteve të Bashkuara të Amerikës lidhur me përfitimin nga palët e treta. Sakaq, Ursula von der Leyen u shpreh se e kupton që SHBA dëshiron të industrializohet më tej, sikurse Bashkimi Evropian, por i mëshoi faktit se në radhë të parë për të vjen interesi i evropianëve, ndaj ka një plan të fortë për t’u hakmarrë, e nëse është e nevojshme, do të përdoret.

“Objektivi ynë është një zgjidhje nga negociatat. Ne nuk duam të hakmerremi. Nëse është e nevojshme, ne kemi një plan të fortë për t’u hakmarrë dhe do ta përdorim atë”, u shpreh ajo në seancën parlamentare evropiane.

(BalkanWeb)