TIRANË
Kreu i grupit parlamentar të PS-së Taulant Balla thotë se gjykata amerikane e Floridës hedh poshtë alibitë e Berishëve për tragjedinë e Gërdecit.
Në një status në “Facebook”, Balla shkruan se gjykata e Floridës ka vendosur të rihapë çështjen duke arsyetuar se Shkëlzen Berisha nuk shkoi kurrë para drejtësisë për Gërdecin. Sipas tij, kjo është një indicie e pakundërshtueshme për SPAK, Prokurorinë Speciale për të rihapur hetimin mbi rolin e Shkëlzen Sali Berishës në trafikun e armëve.
Balla thekson se Gjykata amerikane konfirmoi akuzat e shqiptarëve, të disa mediave shqiptare, të tijat, të Erion Braçes dhe kolegëve të tjerë.
STATUSI I BALLËS
Gjykata Amerikane fundos berishët! Rihap Gërdecin.
Gjykata Amerikane e Distriktit Jugor të Floridës vendosi 11 vite pas 15 Marsit 2008 ri-hapjen e krimit shtetëror të Gërdecit, duke hedhur poshtë alibitë e Berishëve. Gjykata e Floridës ka arsyetuar se Shkëlzen Berisha nuk shkoi kurrë para drejtësisë për Gërdecin dhe se drejtësia në Shqipëri deri më tani është mjaftuar vetëm me burgun e peshqve të vegjël.
Është një akt juridik, indicie e pakontestueshme për SPAK, ky vendim gjykate për të rihapur hetimin mbi rolin e Shkëlzen Sali Berishës në dy aferat e mëdha të Gërdecit, atë të demontimit dhe atë të trafikut të armëve, dy histori ku ky ka vepruar me të njëjtin grup pune. Provat janë pa fund dhe shumë më tepër se ato që i kanë mjaftuar Gjykatës e Floridës.
Drejtësia amerikane ka hedhur tashmë poshtë pretendimet e Berishëve duke pushuar çështjen që Shkëlzen Berisha ka ngritur ndaj autorit amerikan Guy Laëson, autor i librit për Gërdecin “Arms and the Dudes”.
Vendimi është bërë publik në këtë 11-vjetor të tragjedisë së Gërdecit dhe në argumentet e saj Gjykata hedh poshtë pretendimet e Shkëlzen Berishës se ai nuk është i përfshirë në këtë veprimtari, duke iu referuar fakteve dhe investigimeve të mediave më të rëndësishme botërore si Neë York Times, dokumentari i televizionit Al Jazeera-s, mediave shqiptare dhe pasuron dhe më tej akuzat ndaj tij duke ju referuar librit të Lawson, i cili ka dëshminë e vajzës së Kosta Trebickës, e cila e konsideron Shkëlzenin një vrasës të mundshëm të babait të saj. Gjykata ka përshkruar në vendimin e saj historinë e shkurtër të biznesit të trafikut të armëve nga Shqipëria në të cilën është i përfshirë Shkëlzen Sali Berisha.
Kush mendon se drejtësia harron, e ka gabim!
Gjykata amerikane konfirmoi akuzat e shqiptarëve, të disa mediave shqiptare, të miat, të Erion Braçes dhe kolegëve të tjerë.
(BalkanWeb)
