NGA ZONJA VJOLLCA
500 gr mish qingji
4 gota kos
250 ml lëng mishi
20 gr oriz
2 lugë gjelle gjalpë
2 lugë gjelle miell
2 kokrra vezë
Kripë
Piper i kuq
Fillimisht ziejmë mishin e qingjit dhe e vendosim në furrë të piqet. Ndërkohë vendosim tenxheren në zjarr me 2 lugë gjelle gjalpë dhe dy lugë gjelle miell. E trazojmë miellin për 2 minuta duke shtuar lëngun e mishit të ftohtë. E trazojmë vazhdimisht derisa të bëhet një masë kremoze, shtojmë kosin e vendosim përsëri në zjarr duke shtuar dhe vezët dhe duke e trazuar vazhdimisht derisa kosi të nxehet e të flluskojë pak, më pas e largojmë nga zjarri. Në tavën e mishit shtojmë orizin gjysëm të zier dhe mishin e mbulojmë me kosin, vendosim sipër disa copëza gjalpi dhe e pudrosim shumë pak me piper të kuq. E vendosim në furrë në temperaturën 180 gradë për 20-25 minuta.
(m.k/Vila24/BalkanWeb)