Kriminelët e huaj që shmangën deportimin kanë kryer më shumë se 10,000 krime në një vit, kanë zbuluar shifra të reja.
Të dhënat e Ministrisë së Drejtësisë tregojnë se gati 1/4 e shtetasve të huaj ishin përsëritës të veprave penale, pasi ishin liruar nga burgu ose pasi iu dha një urdhër gjykate.
3,235 kriminelët që u liruan nga burgu pa u dëbuar ishin pas 10,012 veprave në vitin deri në mars 2022 – një rritje me 25 për qind nga totali i fundit vjetor prej 8,021.
Media britanike krahas shumë shkelësve të ligjit rendit shumë shqiptarë, që i përcakton si autori të ‘rrezikshëm’.
Mauricio Myftaraj u dënua me 15 vjet burg në vitin 2020 pasi policia i gjeti një pistoletë, 40 fishekë dhe barut në shtëpinë e tij në Londër. Ai ishte deportuar në vitin 2015 pasi u burgos tre vjet më parë për një vepër me armë zjarri, por arriti të kthehej ilegalisht dhe të vazhdonte karrierën e tij në krimin e organizuar.
Dhe shqiptari Armando Gjoka, 24 vjeç, u burgos për transportimin e kanabisit me vlerë 100,000 £, ndërsa më parë ishte deportuar për një vepër droge, por ishte rikthyer në Britani ilegalisht.
Flogert Farruku, u kap duke punuar si ‘kopshtar’ në një fermë kanabisi me vlerë 60,000 £ – 5 vjet pasi u deportua për të njëjtën vepër. Ai është burgosur sërish dhe pritet të dëbohet pas lirimit.
Dorian Puka, një bashkëkombës shqiptar i cili është burgosur dhe deportuar dy herë nga Britania e Madhe, u filmua në fillim të këtij viti duke drejtuar Ferrarin e tij në rrugët e Londrës, pasi hyri fshehurazi në Britani.
28-vjeçari i veshur me Gucci postoi një video të tij duke ngarë supermakinën me vlerë 300,000 £ në llogaritë e tij në Instagram dhe TikTok.
Zyra e Brendshme pranoi në tetor se hajduti ishte deportuar më parë, por tha se ishte e pafuqishme ta bënte këtë përsëri derisa kërkesa e tij për azil të trajtohej plotësisht.
Një zëdhënës i Ministrisë së Drejtësisë tha se ‘kostoja për të mbajtur në burg një shkelës është dhjetra mijëra paund. Ne kemi kthyer 14% më shumë shkelës, shtetas të huaj krahasuar me të njëjtën periudhë të vitit të kaluar”.
Sekretari i Brendshëm është i detyruar me ligj të dëbojë çdo kriminel të huaj që është dënuar me më shumë se 1 vit burg, por ka diskrecion të dëbojë çdo të burgosur për më pak se 1 vit, nëse është në interesin publik.
Ministria e Drejtësisë publikoi gjithashtu një përmbledhje të veprave të kryera nga kriminelët e huaj të liruar, duke përfshirë 1412 sulme të dhunshme, 2688 vjedhje dhe 72 grabitje përgjatë 2022.
Kishte edhe 558 raste të tjera të mbajtjes së armëve dhe 213 veprave seksuale. Shkalla më e lartë e përsëritjes ishte për vjedhje, me 44.8 për qind.
