Mediat angleze dhe italiane pothuajse çdo ditë në muajt e fundit kanë shkruar për një largim të Antonio Conte-s nga Chelsea. Këtyre zërave së fundmi iu bashkua edhe një mik i trajnerit të londinezëve, Gianluca Vialli, i cili deklaroi se largimi i Conte është çështje javësh.

“Vialli ka thënë që unë do largohem? Nuk është e vërtetë. Gianluca është një mik, por kam një vit që nuk komunikoj me të. Nuk është aspak e vërtetë që është shumë e vështirë për mua, por në këtë sezon kam dëgjuar shumë spekullime për të ardhmen time. Po dëgjoj shumë zëra që komentojnë, që nga fillimi i kampionatit. Jam i impenjuar më këtë klub dhe kam një kontratë dhe për këtë punoj shumë fort, kjo është e vërteta e vetme. Të gjitha situatat e tjera nuk janë aspak të vërteta”, tha Antonio Conte.

Ndërkohë në Itali janë shtuar zërat për një rikthim të tij në Itali, si pasardhës I Allegri në pankinën e Juves.

(e.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb