Kremlini në një deklaratë zyrtare e ka cilësuar bisedën telefonike të zhvilluar mes dy presidentëve, atij të SHBA-së, Donald Trump dhe presidentit rus Vladimir Putin, si pozitive pasi të dyja vendet ndanë një “interes të ndërsjellë” për normalizimin e marrëdhënieve midis  tyre.

“Vladimir Putin informoi (Trump) se më 19 mars, do të bëhet një shkëmbim i të burgosurve midis palëve ruse dhe ukrainase”, tha Kremlini në një lexim të telefonatës së sotme mes dy liderëve. Ai tha se 175 persona do të shkëmbeheshin nga të dyja palët.

“Përveç kësaj, si gjest i vullnetit të mirë, 23 ushtarakë ukrainas të plagosur rëndë, të cilët po trajtohen në institucionet mjekësore ruse, do të transferohen”, thuhet në deklaratë.

Deklarata e Kremlinit thotë se Putin i tha Trumpit “kushti kryesor” për parandalimin e një përshkallëzimi të konfliktit “duhet të jetë ndërprerja e plotë e ndihmës ushtarake të huaj dhe shkëmbimi i informacionit të inteligjencës me Kievin”.

Putin foli gjithashtu për “nevojën për të ndaluar mobilizimin e detyruar në Ukrainë dhe riarmatimin e Forcave të Armatosura të Ukrainës”.

Çdo zgjidhje “duhet të jetë komplekse, e qëndrueshme dhe afatgjatë në natyrë” dhe duhet “të marrë parasysh nevojën absolute për të eliminuar shkaqet rrënjësore të krizës”, thuhet në deklaratë.

Ajo gjithashtu duhet të marrë në konsideratë “interesat legjitime të Rusisë në fushën e sigurisë”.

(Balkan Web)