Policia e Shkodrës ka bërë reagimin e parë zyrtar pas të shtënave me armë zjarri në Malësinë e Madhe. Blutë bëjnë të ditur se në sallën operative ka mbërritur një telefonatë se në fshatin Gruemirë ishte qëlluar me armë.

Policia thotë se në vendin e ngjarjes ka sekuestruar 4 gëzhoja të cilat janë sekuestruar në cilësinë e provës materiale.

Nuk ka persona të lënduar dhe as dëme materiale nga kjo ngjarje.

Malësi e Madhe/Informacion paraprak

Rreth orës 20:00, në Sallën operative të Komisariatit të Policisë Malësi e Madhe ka ardhur një telefonatë se në fshatin Gruemirë, është qëlluar me armë zjarri.

Me marrjen e njoftimit, shërbimet e Policisë kanë shkuar menjëherë në drejtim të adresës së dhënë.

Nga veprimet paraprake të kryera nga grupi hetimor, në rrugën e fshatit Gruemirë janë gjetur e sekuestruar në cilësinë e provës materiale 4 gëzhoja.

Po nga verifikimet paraprake nuk ka persona të dëmtuar e as dëme materiale.

Grupi hetimor në drejtimin e Prokurorisë, po punon për zbardhjen e rrethanave dhe dokumentimin ligjor të rastit.

(BalkanWeb)