Numri një i stolit të i Real Sociedad, Imanol Alguacil, u shpreh besimplotë  se skuadra e tij mund të përmbysë humbjen 1-0 në ndeshjen e parë gjysmëfinale të Copa del Rey, ndaj Real Madrid.

“Real Madrid gjithmonë është favorite për të fituar, ata janë favorite për të fituar La Ligën, Kupën, Ligën e Kampionëve dhe Kupën e Botës për klube, ata kanë një ekip të shkëlqyer dhe një trajner të shkëlqyer, por lojtarët dhe unë jemi të bindur që ne do të jemi ata që do të jemi në finalen.

“Në mendjen e lojtarëve dhe të mi, bëhet fjalë për të vazhduar të bëjmë histori me klubin tonë. Të jemi në finale do të ishte një natë historike dhe ne do të luftojmë për të,” tha ai, megjithatë e mohoi se fitorja e mëparshme 4-3 ndaj Real Madridit në 2020 ishte ende e freskët në mendjen e tyre.

“Nuk jetoj në të kaluarën, por në të tashmen, dhe u kam thënë atyre që ne kemi humbur të dyja ndeshjet këtë sezon, por kemi qenë afër fitimit të tyre. Duhet të luajmë një lojë si ajo dhe të jemi efikas para portës. Nëse e bëjmë këtë, me gjithë respektin për Madridin, jam i bindur se do të jemi në finale. Duhet të bëjmë që të gjithë të flasin për mënyrën se si Sociedad mundi Madridin dhe kualifikohet në finale.”