Rikthimi i Neymar te Barcelona po ndërlikohet gjithnjë e më shumë. Sipas të përditshmes spanjolle “Mundo Deportivo” për sulmuesin brazilian parashikohen telashe të tjera. Ashtu si Ronaldo, Mourinho dhe shumë të tjerë, as Neymar nuk i ka shpëtuar problemeve me drejtësinë spanjolle.
4 vitet e tij te Barcelona dhe më pas transferimi te PSG nuk kanë shpëtuar pa u hetuar nga organet spanjolle të cilat në përfundim të hetim kanë gjetur parregullsi në deklarimin e të ardhurave, për këtë arsye pritet ti kërkojnë sulmuesit të PSG plot 35 milion euro dëmshpërblim. Në 2017, përpara se të transferohej te PSG, Neymar nuk deklaroi të ardhurat e tij në hyrje si rezident në Spanjë.
Nga ana tjetër as klubi francez nuk është treguar shumë transparent me blerjen e Neymar duke mos treguar shifrat zyrtare të pagës së lojtarit. Për Neymar ky është thjeshtë telashi i radhës, pas akuzave për përdhunim dhe pas konfiskimit të 36 milion eurove pasuri të paluajtshme në Brazil.
(BalkanWeb)
